दमौली, असार २४
अनेरास्ववियु आदिकवि भानुभक्त क्यापस कमिटिले राष्ट्रपतिको उपचारको सहयोगको लागि तनहुँको सदरमुकाम दमौलीमा १ रुपैयाँ सहयोग संकलन अभियान गरेको छ ।
अनेरास्ववियु आदिकवि भानुभक्त क्यापस कमिटिले ‘राष्टपति रामचन्द्र पौडेलको नाम एक रुपैयाँ दान अभियान’ सन्चालन गरेको अनेरास्ववियु आदिकवि क्याम्पस कमिटिका अध्यक्ष आशिश पौडेलले बताए ।
सो क्रममा नेकपा एमाले तनहुँका अध्यक्ष श्रीप्रसाद श्रेष्ठ, उपाध्यक्ष हरिराज कडेंल, सचिव राजेश्वर ढकाल, व्यास नगर कमिटिका कार्यवहाक अध्यक्ष तुल्सीराम पाण्डे, युवा संघका नेताहरु मदन तिमिल्सेना, अजित पन्त तथा एमालेका अन्य नेता तथा कार्यकर्ताहरुले चन्दा सहयोग गरेका थिए ।
राष्ट्रपतीको नाममा उठाईर्एको उक्त रकम प्रमुख जिल्ला अधिकारीमार्फत राष्ट्रपति कार्यालयमा पठाइने अनेरास्ववियु क्याम्पस कमिटिका अध्यक्ष पौडेलले बताए ।
राष्ट्रपति पौडेलको भारतमा गराएको उपचार खर्चको रकम निकासा गरिदिन परराष्ट्र मन्त्रालयले अर्थ मन्त्रालयलाई लेखेको पत्र बाहिरिएपछि राष्टपति पौडेलको आलोचना भैरहेको छ ।
