दमौली, असार ३१
तनहूँको प्रसिद्ध धार्मिक स्थल छाब्दी बाराही मन्दिरमा साउन महिनाभर पुजा नहुने भएको छ ।
धार्मिक किम्बदन्ति अनुसार श्रावण महिनामा वाराही देवि गुफा बस्ने भएकोले श्रावण महिनाको १ गते देखि ५ गते सम्म देविको मन्दिर पुरै बन्द हुने र छैटौ दिन पश्चात देविको धुपध्वजाले मात्र नित्य पुजा गरि मन्दिर बन्द हुने मन्दिर व्यवस्थापन समितिका अध्यक्ष थानबहादुर थापा (प्रेम) ले बताए ।
यस बाहेक उक्त मन्दिरमा हरेक औंशी र एकादशीमा पनि पुजा हुँदैन ।
व्यास नगरपालिका-१४ को छाब्दीमा रहेको उक्त मन्दिरमा अहिले पुनर्निर्माण चलिरहेको छ । प्रदेश सरकार सामाजिक विकास मन्त्रालयको आर्थिक सहयोगमा मन्दिरको पुननिर्माण गरी मन्दिरको छाना तामाले छाउन थालिएको छ । श्रावण महिनाभर मन्दिरको पुननिर्माण सकिने अध्यक्ष थापाले बताए ।
