घिरिङ, साउन १८
घिरिङ गाउँपालिकाकाका– ३ मा सुनधारा खानेपानी निर्माण आयोजनाको उद्घाछन सम्पन्न भएको छ । गत मंगलबार सुनपानी आमा समूह भवनमा आयोजित कार्यक्रममा गाउँपालिका अध्यक्ष होम बहादुर थापाले खानेपानीको उद्घाटन गरेका हुन् ।
सो कार्यक्रमलाई सम्बोधन गर्दै अध्यक्ष थापाले खानेपानी योजनाको एक घर, एक धारा अभियानलाई प्राथमिकताका साथ निरन्तरता दिइएको बताए । घिरिङमा ५९९ घर धारा निर्माण सम्पन्न भैसकेको छ । हाल सम्म वडा नं १ मा ३९० धारा, वडा नं २ मा ३३, वडा नं ३ मा ९८, वडा नं ४ मा ७३ र वडा नं ५ मा ५ धारा निर्माण सम्पन्न भएको जानकारी अध्यक्ष थापाले दिए ।
खानेपानी तथा सरसफाई उपभोक्ता संस्थाका अध्यक्ष अध्यक्ष मिलन बिकको अध्यक्षतामा भएको सो कार्यक्रमका बिशिस्ट अतिथी घिरिङ गाउँपालिका निबर्तमान अध्यक्ष रन बहादुर रानाले सुनपानी आमा समुहको भवन र खेल मैदान उद्घाटन गरे । आफ्नो कार्यकालमा सामुदायिक भवन निर्माण, खानेपानी एक घर एक धारा, बिधुत जस्ता कार्य गर्न सफल भएको रानाले दाबी गरे । संस्थापक अध्यक्षको नाताले गाउँपालिकालाई सुझाव दिइरहेको उनले बताए ।
कार्यक्रममा गाउँपालिका उपाध्यक्ष राधादेवि अधिकारी, प्रमुख प्रशासकिय अधिकृत बिष्णुप्रसाद पोखरेल, निबर्तमान उपाध्यक्ष सरस्वती सिग्देल, वडा नम्बर ३ का अध्यक्ष तहलसिंह थापा, कांग्रेस सभापती यामबहादुर थापा, एमाले उपाध्यक्ष सुमनकुमार श्रेष्ठ लगायतले मन्तव्य राखेका थिए ।
सो खानेपानी योजनाको लागि गाउँपालिकाले ६ लाख ५५ हजार बजेट बिनियोजन गरेको थियो । उक्त कार्यक्रमको सन्चालन दिल कुमार बिकले गरेका थिए भने स्वागत मन्तब्य गोपाल बिकले राखेका थिए । सोही कार्यक्रमको अबसरमा भवन निर्माणको लागि जग्गादाता तथा विभिन्न कार्यको लागि सहयोग गर्ने ब्यक्तिहरुलाई सम्मान पत्र सहितको सम्मान गरिएको थियो ।
