देवघाट, भदौ १७
देवघाट गाउँपालिका–५ स्थित चक्रवर्ती सामाजिक उद्यमी महिला सहकारी संस्थाको आयोजना तथा हेफर इन्टरनेशनल नेपालको सहजीकरण एवं सहयोगमा सहकारीबाट उत्पादित बस्तु तथा सेवाको बजारिकरण सम्बन्धी २ दिने तालीम आइतबार देवघाट गाउँपालिकाको सिटी हलमा सम्पन्न भएको छ ।
सो तालिममा सहकारी संस्थाले उत्पादन गरेका विभिन्न बस्तु तथा सेवाहरुको बजारिकरण गर्ने सम्बन्धमा हेफर इन्टरनेशनल नेपालका निराजन पाण्डे र ऋषिराम पौडेलले सहजिकरण गरेका थिए ।
तालिममा सहकारी संस्थाका सञ्चालक समीती लेखा समिती, सल्लाहकार समिती, ऋण उपसमीती सदस्यहरु तथा संस्थाका सम्पूर्ण कर्मचारीहरुको उपस्थिती रहेको सहकारीकी व्यवस्थापक संगिता ओझो जानकारी दिइन् ।
सहकारीले आफ्ना शेयर सदस्यबाट दुध संकलन गरि दुग्धजन्य विभिन्न बस्तुहरु उत्पादन गरि विक्री गर्दै आएको छ । साथै सहकारीका शेयर सदस्यलाई गाई भैसी तथा बाख्रा पालन एवं व्यवसायीक रुपमा कृषि पेशा गर्न विभिन्न तालिम तथा आवश्यक सहजिकरण एवं ऋण लगानी गर्दै आएको व्यवस्थापक ओझाले बताइन् ।
सहकारीले उत्पादन गरेको घ्यु, पनिर, खुवा, दही अन्य दुग्धजन्य बस्तु देवघाट सहित नारयणगढ, भरतपुर, गैडाकोट तथा अन्य शहरहरुमा विक्री हुँदै आएको छ । २ दिने उक्त तालिममा उत्पादित ति बस्तुहरुको विक्रीकोलागि बजारीकरण सम्बन्धी विषयमा सन्चालकहरुलाई आवश्यक सहजिकरण गरिएको थियो ।
