दमौली, भदौ १९
शुक्लागन्डकी नगरपालिकाको प्रमुख प्रशासकीय अधिकृतमा रामचन्द्र लामगादेले मंगलबारदेखी जिम्मेबारी सम्हालेका छन् ।
संघिय मामिला तथा सामान्य प्रशासन मन्त्रालयको गत भदौ ५ गतेको निर्णय अनुसार यस अघिका प्रमुख प्रशासकीय अधिकृत लिला बल्लभ न्यौपानेको गृह मन्त्रालयमा सरुवा भएपछि लमजुङको मध्यनेपाल नगरपालिकामा प्रमुख प्रशासकीय अधिकृत रहेका लामगादेको शुक्लागण्डकीमा सरुवा भएको थियो ।
लामगादे यसअघि २०६९ सालमा करिव डेढ वर्ष व्यास नगरपालिकाको प्रमुख प्रशासकीय अधिकृतको जिम्मेवारी सम्हालेका थिए । त्यस अघि उनी २०६६ देखि २०६९ सम्म डिभिजन सहकारी कार्यालय तनहुँको प्रमुखको रुपमा कार्यरत थिए ।
पदभार ग्रहण गर्दै लामगादेले शुक्लागन्डकी नगरपालिकालाई समृद्ध नगर बनाउने कार्यमा लागी पर्ने बताए । उनले तनहुँ जिल्ला आफ्नो लागि अपरिचित र नौलो ठाउँ नरहेको भन्दै यहाँका लागि जनप्रतिनिधि, राजनीतिक दलका प्रतिनिधि र कर्मचारीको साथ र सहयोग पाउने विश्वास व्यक्त गरे ।
