देवघाट, असोज १०
देवघाट गाउँपालिकाका प्रमुख प्रशासकीय अधिकृत रमेश सुवेदीको सरुवा भएको छ । सुवेदीको मकवानपुरको मनहरी गाउँपालिकाको प्रमुख प्रशासकीय अधिकृतमा सरुवा भएको हो । सुवेदी लामो समयदेखि देवघाटको प्रमुख प्रशासकीय अधिकृत थिए । उनी निजामती प्रशासनमा सक्षम अधिकृत मानिन्छन् ।
देवघाट गाउँपालिकामा मुस्ताङबाट गौरीशंकर आचार्य प्रमुख प्रशासकीय अधिकृतको रुपमा सरुवा भएर आएका छन् । आज गाउँपालिकाले सुवेदीको बिदाई र आचार्यको पदस्थापना गर्ने भएको छ ।
देवघाट अनलाइनसँग कुरा गर्दै सुवेदीले देवघाट बसाईको क्रममा आफुलाई सहयोग गर्ने सबै देवघाटबासीलाई धन्यवाद दिएका छन् ।
