दमौली, मंसिर १९

भानु नगरपालिकाको आयोजना र भानु १ भन्सार हात्तीचौरमा रहेको नेपाली सेनाको रुरु भैरब दल गणको सहकार्यमा सामुदायिक विपद् प्रतिकार्य तालिम सोमबारबाट शुरु भएको छ ।

चार दिन सम्म संचालन हुने तालिममा विपद् आउनु पूर्व अपनाउनु पर्ने सावधानी, विपद्को समयमा गर्नु पर्ने कार्य र विपद् पछिको अवस्थामा गर्नु पर्ने कार्यका बारेमा ब्यवहारिक अभ्यास मार्फत जानकारी गराउने लक्षका साथ तालिमको आयोजना गरिएको भानु नगगरपालिकाका प्रमुख आनन्दराज त्रिपाठीले जानकारी दिए । भानु नगरपालिका विपद्को उच्च जोखिम रहेको र विपद् जुनसुकै समयमा आउन सक्ने भएकाले पनि तालिमको आयोजना गरिएको प्रमुख त्रिपाठीले बताए ।

नेपाली सेनाको रुरु भैरब दल गण हात्तीचौरका गणपति प्रमुख सेनानी हिमाचल जङ शाहले विपद्ले जनधनको अकल्पिनिय क्षति हुन सक्ने भएकाले विपद् आउनु अगाबै सबै नगरिक सचेत रहनु पर्ने भन्दै तालिमले विपद् ब्यवस्थापनमा सघाउ पु¥याउने विश्वास ब्यक्त गरे ।

नगरपालिकाका प्रत्येक वडाका स्थानीय संघ संस्थाका प्रतिनिधि १÷१ जना, जन प्रतिनिधि १÷१ जना, नगर प्रहरी, विपद् प्रतिकार्य समितिका सदस्य लगाएतको ४० जनाको सहभागिता रहेको तालिममा नेपाली सेनाको रुरु भैरब दल गणका सेनाले तालिम प्रदान गरेको नगरपालिकाका वरिष्ठ अधिकृत सुनिल पाण्डेले जानकारी दिए ।