दमौली, पुस २१
तनहुँ क्षेत्र नम्बर १ का सांसद डा. स्वर्णिम वाग्लेले आइतबार दमौलीमा सार्वजनिक सुनुवाइ गर्ने भएका छन् । सांसद वाग्लेले आइतबार विहान ११ बजे जिल्ला समन्वय समिति तनहूँको प्राङ्गणमा सार्वजनिक सुनुवाइ गर्न लागेका हुन् ।
सार्वजनिक सुनुवाइ कार्यक्रममा सरकारी कार्यालयका प्रमुख, जनप्रतिनिधि, संचारकर्मी, स्थानीय लगायतको सहभागीता रहने वाग्लेको सचिबालयले जनाएको छ ।
निर्वाचित सांसदको तर्फबाट तनहुँमा पहिलोपटक सार्वजानिक सुनुवाई कार्यक्रम हुने भएको हो । उक्त कार्यक्रममा उपस्थित भएर जिल्लाको विकास निर्माण तथा सांसदको भुमिकाको बारेमा अन्तरक्रिया गर्न सांसद वाग्लेको सचिवालयले सर्वसाधरणमा अनुरोध गरेको छ ।
