दमौली, पुस २२
तनहुँ उद्योग वाणिज्य संघ दमौली बजार इकाईको अध्यक्ष शुकनारयण मल्ल सर्वसम्मत निर्वाचित भएका छन् ।
निबारदेखी सुरु भएको इकाईको २८ औं बार्षिक साधारणसभा तथा १२ औं अधिवेशनबाट मल्ल इकाईको अध्यक्षमा सर्वसम्मत निर्वाचित भएका हुन् ।
शनिबार सुरु भएको निर्वाचन प्रक्रिया अन्तर्गत अध्यक्ष पदमा मल्ल सहित निवर्तमान अध्यक्ष राजकुमार श्रेष्ठ राकु र पुर्व कोषाध्यक्ष बिन्दुलाल श्रेष्ठले पनि उम्मेदबारी दिएकोमा आइतबार विहान श्रेष्ठद्वयले उम्मेदबारी फिर्ता लिई मल्ललाई सर्वसम्मत बनाएका थिए ।
इकाईको उपाध्यक्ष, कोषाध्यक्ष र जिल्ला प्रतिनिधि पदमा आईतबार दिउँसो २ बजेदेखी मतदान भएको छ । सदस्यहरुमा भने सर्वसम्मत भएको बताईएको छ ।
