दमौली, पुस २२
पोखरामा जारी प्रधानमन्त्री क्रिकेट कपको आइतबारको खेलमा तनहुँले नवलपुरमाथी बिजय प्राप्त गरेको छ ।
पहिले ब्याटिङ गरेको तनहुँ २८.४ ओभरमा १ सय १० बनाउदै आउट भएको थियो । तनहुँका लागि क्रिश ऐरले ४७ बलमा ४१ रन र समिर कंडेलले ३२ बलमा १८ रनको योगदान दिए ।
१ सय ११ रनको लक्ष्य लिएको नवलपुरले २४.१ ओभर खेल्दै १ सय रनमा अलआउट भएको थियो । नवलपुरका लागि विशाल पौडेलले ७.४ ओभरमा २४ रन दिएर ३ विकेट हात पार्दा, कमल परियार कुमार रानाले समान २–२ विकेट लिए ।
नवलपुर विरुद्ध तनहुँका सन्दिप पराजुलीले एक्लै ९ विकेट लिएका थिए । सन्दिपको चमत्कारिक खेलकै कारण तनहुँले बलियो मानिएको नवलपुर माथि सहज जित हात पारेको तनहुँ जिल्ला क्रिकेट संघका अध्यक्ष मदन तिमिल्सेनाले बताए ।
जारी प्रतियोगितामा सन्दिप एउटै खेलमा सर्वाधिक विकेट हात पार्ने खेलाडी समेत बनेका छन् । गण्डकी प्रदेशकै लागि यो नयाँ किर्तिमान समेत हो । आईतबारको खेलमा सन्दिप पराजुलीले म्यान अफ द प्लेयर जिते । सोमबार तनहुँ र पर्वत बिच खेल हुने छ ।
