देवघाट, माघ १
देवघाट गाउँपालिकाका अध्यक्ष तिलबहादुर थापाले माघे संक्रान्ति मेला हालसम्मकै सबैभन्दा व्यवस्थित भएको बताएका छन् । सबै पक्षको समन्वयको कारण माघे संक्रान्ति मेला हालसम्मकै सबैभन्दा बढि व्यवस्थित भएको अध्यक्ष थापाले बताए ।
देवघाट गाउँपालिका, देवघाट क्षेत्र विकास समिति, गलेश्वर आश्रम, देवघाट क्षेत्रका मठ मन्दिर, गुरुकुलहरु, यहाँका सामाजिक संघ संस्थाहरु सबैले मेला व्यवस्थापनमा कुनै कसर बाँकी नराखेको अध्यक्ष थापाले देवघाट अनललाईनलाई बताए ।
विगतका वर्षहरुमा देवघाट क्षेत्र विकास समितिको मात्रै मेला भएको ठानिन्थ्यो तर यसपटक देवघाटका सबै सामाजिक संघ संस्थाले माघे संक्रान्ति मेलालाई आफ्नो मेला ठानेको कारण व्यवस्थित भएको अध्यक्ष थापाले बताए । देवघाट गाउँपालिकाले आफ्नो नारामा धार्मिक पर्यटनको प्रबद्र्धनलाई मुख्य प्राथमिकता दिएको कारण पनि धार्मिक पर्यटन फस्टाएको अध्यक्ष थापाको दावी छ ।
