दमौली, माघ २
निर्मल मावि पूर्व विद्यार्थी ग्रुप २०४५ एसएलसी समूहले व्यास नपा–६ साँगेकी क्यान्सर पिडीत बिमला शाहीलाई उपचारकोलागि आर्थिक सहयोग गरेको छ । उक्त विद्यार्थी समुहले सोमबार क्यान्सर पीडित शाहीको उपचारको लागि १५ हजार ५ सय रुपैयाँ सहयोग उपलब्ध गराएको हो ।
समुहका सदस्यहरुबाट संकलित उक्त रकम समुहको अनसन पार्कमा बसेको बैठकको अवसर पारेर समुहका अध्यक्ष त्रिभुवन श्रेष्ठले बिरामीका वुवालाई हस्तान्तरण गरेका थिए ।
उक्त विद्यार्थी समुहले यस अघि पनि मुर्गौला, मुटुरोगी तथा कोभिड समयमा निःशुल्क भोजन, कृयापुत्री घरमा सहयोग, मिर्गौला डायलासिस केन्द्रमा स्वास्थ्य सामाग्री प्रदान एवं हालै व्यास १२ स्थित सिद्देश्वरी मावि कमलबारीका ३३ जना विपन्न विद्यार्थीलाई न्यानो कपडा स्वेटर वितरण गरेको अध्यक्ष श्रेष्ठले बताए ।
