दमौली, माघ ३

तनहुँको व्यास नपा ३ मा रहेको पुर्व राजा महेन्द्रको अर्धकदको शालिकमा टाउको जोडिएको छ । राष्ट्रिय प्रजातन्त्र पार्टीका कार्यकर्ताहरुले बुधबार विहान ४ बजे उक्त शालिकमा टाउको जोडिएको हो । साईत हेराएर शालिकमा टाउको जोडिएको राप्रपा तनहुँका अध्यक्ष बिनोद घर्तीले बताए ।

उक्त शालिक २०६२÷०६३ को जनआन्दोलनको क्रममा युवा विद्यार्थीले तोडफोड गरि टाउको छ्ुट्याईदिएका थिए । गत पुस २७ गते पृथ्वि जयन्तीको अवसरमा सो शालिकमा टाउको जोड्ने राप्रपाको तयारी भएपनि ठुलो संख्यामा सुरक्षाकर्मी परिचालन गरि राप्रपाको तयारी बिथोलिएको थियो ।

यो कार्य शालिक मात्र नभएर इतिहाँसको संरक्षण पनि भएको राप्रपा तनहुँका अध्यक्ष घर्तीले बताए । टाउको बिनाको शालिकले कुरुप बनेको पार्कमा टाउको सहितको शालिक भएपछि यसले पार्कको सुन्दरता पनि हुने र इतिहाँसको पनि संरक्षण हुने घर्तीले बताए ।

नेपालको स्वाधिनता र सम्प्रभुतामा राजा महेन्द्रको निकै ठुलो योगदान रहेको भन्दै घर्तीले त्यसैको सम्मान स्वरुप पनि शालिक स्थापना गरिएको बताए । उनले प्रजातान्त्रको लागि योगदान दिएका काँग्रेस र कम्युनिष्टका नेताहरुको शालिक पनि उपयुक्त स्थानमा निर्माण गरिनु पर्ने बताए ।

उक्त शालिकमा टाउको जोडिएपछि तनहुँबासीले सामाजिक सन्जालमा सकारात्मक प्रतिक्रिया जनाएका छन् । यो कार्यले इतिहाँसको संरक्षण हुने र अव प्रशासनले नै उक्त शालिकको संरक्षण गर्नु पर्ने सामाजिक सन्जालका प्रयोगकर्ताहरुले जनाएका छन् ।