एकै परिवारका ५ मध्ये ४ जना बिरामी, सहयोगको लागि अनुरोध

Devghat Online

शेयर गरौ

दुलेगौंडा, चैत १२

शुक्लागण्डकी नपा–६, खैरेनीटारका ७० बर्षिय मानबहादुर कुमालको परिपवारमा एकै परिवार ५ मध्ये ४ जना विरामी परेका छन् । काम गर्न सक्ने सबै विरामी परेपछि उपचारमा सहयोग गर्न उनीहरुले अनुरोध गरेका छन् ।

५ जनाको परिवार रहेको परिवारका जेष्ठ सदस्य ७० बर्षिय मानबहादुर कुमाल ४ बर्षदेखि ओछ्यानमा छन् । खुट्टा झमझमाउने लगायतका समस्याले उनी उभिन समेत सक्दैनन् । त्यस्तै उनका छोरा ३९ बर्षिय तिलबहादुर मिर्गाैला पीडित छन् । मिर्गाैला फेल भएपछि आमाले मिर्गाैला २०७१ सालमा दिएर छोरा तिल बहादुरले प्रत्यारोपण गरेका थिए । नियमित औषधी सेवन गरिरहेका तिल बहादुर अहिले ज्वरोले थलिएका छन् ।

छोरालाई मिर्गौला दिएर बचाएकी ६९ बर्षिया आमा टुकमाया पनि अहिले बिरामी परेकी छिन् । टुकमायाको स्वास्थ्य कमजोर अहिले हुदै गएको छ । उनी पनि केही काम गर्न सक्दिनन् । तिलबहादुरकी श्रीमती शान्ति पनि अहिले विरामी भइ पोखराको मणिपाल शिक्षण अस्पतालमा उपचाररत छिन् ।

सो परिवारमा अहिले तिल बहादुरका छोरा मात्र स्वस्थ्य रहेका छन् । उनी कक्षा ७ मा अध्ययनरत छन् । परिवारका सबै जना अभिभावक विरामी परेपछि उनको पनि पढाई तथा मानसिक अवस्था कमजोर हुँदै गएको छ । उनी नियमित विद्यालय जान पाउँदैनन् ।

औषधी उपचारमा परिवारका सबै सदस्यलाई मासिक रुपमा ठूलो रकम जोहोगर्नुपर्ने बाध्यताले मानबहादुरको परिवारलाई जीवन निर्वाह गर्न समस्या हुदै गएको छ । मनबहादुरकी श्रीमती टुकमायाले आफुहरुको उपचारमा सबैले सहयोग गरिदिएमा बाच्ने आशा पलाउने बताइन् ।

यसैबीच दुलेगौंडाकी व्यवसायी एवम् समाजसेवी विर्सना श्रेष्ठको नेतृत्वमा संकलित ३० हजार १ सय ७५ रुपैयाँ शुक्रवार हस्तान्तरण गरिएको छ । परिवारका सबै सदस्यहरु विरामी भई आर्थिक रुपमा समस्या भएको थाहा पाएपछि साथीभाई र इष्टमित्रलाई आग्रह गरेर सो रकम संकलन गरिएको श्रेष्ठले जानकारी दिइन् । सहयोग रकमले आफूहरुलाई राहत पुगेको टुकमायाले बताइन् ।

यसैविच शुक्लागन्डकी नगरपालिकाका कार्यपालिका सदस्य खिमबहादुर कुमालले तिल बहादुरका छोराको अध्ययनमा सहयोग गर्ने प्रतिबद्धता जनाएका छन् ।

प्रतिक्रिया दिनुहोस्

सम्बन्धित समाचारहरू

देवघाटमा जेष्ठ नागरिकलाई न्यानो कपडा वितरण गर्दा अनियमितता भएको ठहर

देवघाट, जेठ ३१ देवघाट गाउँपालिकामा जेष्ठ नागरिकलाई न्यानो कपडा वितरण गर्दा अनियमिता भएको महालेखा परिक्षण

राष्ट्रिय परिचयपत्र दर्तामा भिड गर्नु पर्दैन, ‘भाद्र मसान्तसम्म सामाजिक सुरक्षा भत्ता नविकरण गर्न सकिने’

दमौली, जेठ ३० गृह मन्त्रालय अन्तर्गतको राष्ट्रिय परिचयपत्र तथा पन्जिकरण विभागले भदौ मसान्तसम्म सामाजिक सुरक्षा