देवघाट, चैत १३
देवघाट गाउँपालिका–५ स्थित कालिगन्डकी नदीमा माछा मार्ने क्रममा डुबेर एक जनाको मृत्यु भएको छ । मृत्यु हुनेमा देवघाट गाउँपालिका वडा नम्बर–५ ढकियाडाँडाका ३० वर्षिय रमेश गर्जा मगर रहेका छन् ।
मंगलबार दिउँसो कालिगण्डकी नदिमा माछा मार्ने क्रममा डुबेपछि स्थानीय बासिन्दा र इलाका प्रहरी कार्यालय देवघाटका प्रहरीले मगरको उद्धार गरि उपचारको लागि चितवन स्थित भरतपुर अस्पताल लगेका थिए ।
उनको उक्त अस्पतालमा उपचारको क्रममा साँझ ६ बजे मगरको मृत्यु भएको इलाका प्रहरी कार्यालय देवघाटका इन्चार्ज कृष्णबहादुर बानियाँले बताए ।
