देवघाट, बैशाख २३
देवघाटधाम जेसीजको आयोजना तथा भरतपुर आँखा अस्पताल र स्माईल डेन्टल केयर भरतपुरको प्राविधिक सहयोगमा शनिबार वडा नम्बर ४ को सिन्च्याङ स्वास्थ्य चौकीमा निःशुल्क आँखा तथा दन्त परीक्षण शिविर सम्पन्न भएको छ । उक्त शिविरमा १ सय ५७ जनाले सेवा लिएको देवघाटधाम जेसीजले जनाएको छ ।
शिविरमा ६५ जनाले दन्त सम्बन्धित परिक्षण र ९२ जनाले आँखा सम्बन्धित परिक्षण गरेका थिए । शिविरमा स्माइल सिटी डेन्टल कियरका डा.रोशन आचार्य र भरतपुर आँखा हस्पिटलका डा.सुवास सापकोटा लगाएतका चिकित्सकहरुले स्वास्थ्य परिक्षण गरेका थिए ।
सो कार्यक्रममा देवघाट गाउँपालिकाका उपाध्यक्ष भुवन सिंह गुरूङ, वडा नम्बर ४ का वडा अध्यक्ष मित्रलाल गुरूङ, सिन्च्याङ स्वास्थ्य चौकीका अहेव टेकबहादुर गुरूङ देवघाट सामुदायिक प्रहरी सेवाका अध्यक्ष होमबहादुर भारती, देवघाटधाम जेसीजका संस्थापक अध्यक्ष विकास सापकोटा र देवघाटधाम जेसीजका निवर्तमान अध्यक्ष बिष्णुहरी सापकोटा लगायतले मन्तव्य राखेका थिए ।
देवघाटधाम जेसीजका अध्यक्ष जेसी रघु मल्लको अध्यक्षता भएको सो कार्यक्रम देवघाटधाम जेसीजका उपाध्यक्ष जेसी रक्षा कार्कीले सञ्चालन गरेकी थिइन् ।
