दमौली, बैशाख ३१
नेकपा (एमाले) तनहुँ जिल्ला कमिटीको दशौं अधिवेशन अन्तर्गत भइरहेको निर्वाचन प्रक्रिया अनुसार २३ जना सदस्य निर्विरोध निर्वाचित भएका छन् । आइतबार दिउँसो भएको उम्मेदवारी दर्तामा विभिन्न क्लष्टरबाट २३ जना जिल्ला सदस्य निर्विरोध निर्वाचित भएका हुन् ।
प्रमुख निर्वाचन अधिकृत पदमलाल लामिछानेका अनुसार जिल्ला मजदुरबाट सोमबहादुर आले र भिमबहादुर गुरुङ, जिल्ला खुल्ला अपाङ्गबाट मदन थापा, भुगोल भानु नगरपालिकाबाट महिलातर्फ रुपा तामाङ र उमा श्रेष्ठ निर्विरोध निर्वाचित भएका छन् । त्यस्तै भुगोल व्यास नगरपालिकाबाट महिलातर्फ वेदकुमारी वाग्ले र सीता पाण्डे, भुगोल भिमाद नगरपालिकाबाट महिलातर्फ नानुमाया गैह्रे र गौमाया राना, भुगोल आँबुखैरेनी खुलाबाट इन्द्रमान परियार र कपिल खनाल, भुगोल आँबुखैरेनी महिलातर्फ भगवती खनाल, भुगोल बन्दीपुर खुलातर्फ सुरेन्द्रबहादुर थापा र किशोर प्रधान, भुगोल बन्दीपुर महिलातर्फ फूलमती थापा निर्विरोध निर्वाचित भए ।
त्यसैगरि भूगोल ऋषिङ खुल्लातर्फ गञ्जसिंह गुरुङ र पुननारायण विक, भुगोल ऋषिङ महिलातर्फ हुमादेवी रानाभाट, भुगोल घिरिङ महिलातर्फ राधादेवी अधिकारी, भुगोल देवघाट खुल्लातर्फ यालबहादुर गुरुङ र केशवचन्द्र न्यौपाने, भुगोल देवघाट महिलातर्फ जुलीमाया सारु मगर, भुोल म्याग्दे महिलातर्फ निर्मला वाग्ले निर्विरोध निर्वाचित भएका छन् ।
यसैगरी लेखा कमिटीको अध्यक्षमा प्रेमप्रसाद पौडेल, उपाध्यक्षमा आरसी पण्डित, सचिवमा त्रिभुवन श्रेष्ठ, सदस्यहरुमा रामजी खत्री क्षेत्री र कोपिला थापा निर्विरोध निर्वाचित भएका थिए ।
अन्य पदहरुमा भने आइतबार राती ८ बजेबाट मतदान भयो । मतदान कार्य रातभर भएको थियो । विहान ८.४५ बजेसम्म भएको मतदानमा ५८६ मतदाता मध्ये ५६० मत खसेको निर्वाचन कमिटिले जनाएको छ । सबै मतपेटिकालाई जिल्ला पार्टी कार्यालयमा ल्याईएको र दिउँसो १ बजेपछि मतगणना हुने जनाईएको छ ।
जिल्ला अध्यक्षमा हरिराज कंडेल र विष्णुभक्त सिग्देल, उपाध्यक्षमा राजेश्वर ढकाल र श्रीराम कार्की, सचिवमा प्रदीपराज अधिकारी र अनिल पाण्डे, उपसचिव खुल्लामा खिमबहादुर कुमाल र आरके पोख्रेल, महिला उपसचिवमा सुनिता नेपाली र बसुन्धरा घर्ती प्रतिस्पर्धामा छन् । कडेंललाई स्थायी कमिटि सदस्य किरण गुरुङ र सिग्देललाई उपमहासचिव पृथ्वीसुब्बा गुरुङको समर्थन रहेको छ ।
