बन्दिपुर, जेठ ११
नेपाल बुलेट हाउसले काठमाडौं–बन्दीपुर रोयल इन्फिल्ड (बुलेट) मोटरसाइकल राइड आयोजना गरेको छ । आन्तरिक पर्यटन प्रवद्र्धनकालागि एकैसाथ करिव २५० वटा रोयल इन्फिल्ड (बुलेट) मोटरसाइकल काठमाडौँ देखि बन्दीपुर आइपुगेका छन् ।
उक्त राइड काठमाडौंदेखि गण्डकी प्रदेशको पर्यटकीय नगरी तनहुँको बन्दीपुरसम्म रहेको छ । शुक्रबार बन्दीपुरमा बिभिन्न सास्कृतीक कार्यक्रम, फुड फेस्टिवल कार्यक्रम हुँदैछ । कार्यक्रममा गायक जेम्स प्रधान कमेडियन आदर्श मिश्र लगायतको प्रस्तुती समेत रहनेछ ।
बन्दीपुर गाउँपालिका तनहुँ संरक्षक रही आयोजना भएको कार्यक्रम उद्योग वाणिज्य संघ बन्दीपुर बजार ईकाई, पर्यटन विकास समिति, क्षेत्रिय होटल संघ र रेवानले सहजिकरण गरेका छन् ।
उक्त कार्यक्रमले बन्दीपुरको पर्यटन प्रवद्र्धनमा थप सहयोग पुग्ने बन्दिपुर गाउँपालिका अध्यक्ष सुरेन्द्र बहादुर थापाले बताए । बन्दीपुर गाउँपालिकाले यस अघि घुम्न जाउँ है बन्दीपुर कार्यक्रम अन्तर्गत देशका विभिन्न सहरहरूमा पर्यटकहरूलाई घुम्न आउनको लागि निमन्त्रणा समेत दिएको थियो ।
