देवघाट, जेठ ३०
नेकपा एमाले देवघाट गाउँ कमिटिको अध्यक्षमा भिमबहादुर गुरुङ्ग सर्वसम्मत निर्वाचित भएका छन् । मंगलबार सम्पन्न गाउँ कमिटिको दोश्रो अधिवशेनले गुरुङ्गको अध्यक्षतामा नयाँ कमिटि सर्वसम्मत निर्वाचित गरेको हो ।
कमिटिको उपाध्यक्षमा भोजराज नैनावस्ती, खुल्ला उपसचिवमा हर्कबहादुर थापा र महिला उपसचिवमा सावित्री न्यौपाने निर्वाचित भएका छन् । सचिवमा भने तिन जनाको उम्मेदबारी परेको हुँदा सर्वसम्मत भएको छैन । सचिवमा गणेश थापा, शान श्रेष्ठ र विकास ढकालले उम्मेदबारी दिएका छन् ।
सचिवमा सर्वसम्मत गराउन स्थानीय नेताहरु बाबुराम अधिकारी, शिवराज पौडेल र केशवचन्द्र न्यौपानेलाई जिम्मेबारी दिईएको छ । यदि सर्वसम्मत नभए जेठ ३२ गते सचिव पदको निर्वाचन हुने जनाईएको छ । सदस्यतर्फका सबै पदहरुमा पनि सर्वसम्मत भएको छ ।
