जातीय विभेद तथा छुवाछुत अन्त्यका लागि अन्तरघुलन कार्यक्रम सम्पन्न

Devghat Online

शेयर गरौ

दमौली, असार १६

जातीय विभेद तथा छुवाछुत अन्त्यकालागि दलित र गैरदलित समुदायका विच अन्तरघुलन कार्यक्रम आइतबार दमौलीमा सम्पन्न भयो । दलित उत्थान एवं प्रबद्र्धन कार्यक्रम अन्तर्गत व्यास नगरपालिका शिक्षा तथा सामाजिक विकास शाखा तथा महिला बालबालिका अपाङ्गता तथा जेष्ठ नागरिक शाखाको आयोजनामा सो कार्यक्रम सम्पन्न भएको थियो ।

सो कार्यक्रममा पुर्व सांसद तथा नेपाली काँग्रेसका केन्द्रीय सदस्य प्रकाश स्नेही रसाईलीले नेपालमा भएका सबै क्रान्ति तथा आन्दोलनहरुमा दलित समुदायको अग्रणी भुमिका भएपनि राज्यको मुलधारमा अहिलेसम्म दलित समुदाय पुग्न नसकेको बताए । उनले राजनीतिक दलहरुले नियतवश नै दलित समुदायमाथी विभदे गर्दै आएको बताए ।

जनयुद्धको उद्गमथलो पश्चिम रुकुममा अन्तरजातीय प्रेम विवहा गरेकै कारण चार जना दलित युवा माथी नरसंहार भएपनि उक्त घटनाको विरुद्धमा कुनै पनि राजनीतिक दलले विरोध नगरेको उनले बताए । जातीय विभेद र छुवाछुतको समस्या दलितको मात्र समस्या हो भन्ने ठा्रन्दासम्म यो समस्या कहिले पनि समाधान नहुने रसाईलीको भनाई थियो ।

व्यास नगर दलित समन्वय समितिका संयोजक कृष्णबहादुर रुचालको अध्यक्षतामा आयोजित सो कार्यक्रममा गन्डकी प्रदेशका पुर्वमन्त्री डोवाटे विक, व्यास नगर पालिकाका उपप्रमुख इन्दिरा दरै, नगरपालिकाका प्रमुख प्रशासकीय अधिकृत काशिराम गैरे, नेपाली काँग्रेसका जिल्ला सचिव लक्ष्मीभक्त खनाल, नेकपा एमालेका जिल्ला सचिव प्रदिपराज अधिकारी, नेकपा माओवादी केन्द्रका जिल्ला सदस्य डिलबहादुर नेपाली, राष्ट्रिय स्वतन्त्र पार्टीका जिल्ला संयोजक विश्व बास्तोला, जिल्ला समन्वय समितिकी पुर्व उपप्रमुख पवित्रा पौडेल लगायतले जातीय विभेद र छुवाछुत विरुद्ध आवाज उठाउनु पर्ने बताए ।

सो कार्यक्रममा हिन्दु धर्मका भागवत बाचक भिमकान्त गुरुले जातीय विभेद र छुवाछुत विरुद्ध प्रशिक्षण दिएका थिए । सो कार्यक्रममा व्यास नगरपालिकाका सबै वडाका जनप्रतिनिधि, विभिन्न राजनीतिक दलका कार्यकर्ता, सामाजिक संघ संस्थाका प्रतिनिधि तथा दलित संघ संस्थाका प्रतिनिधिहरुको उल्लेख्य सहभागिता रहेको थियो ।

प्रतिक्रिया दिनुहोस्

सम्बन्धित समाचारहरू

बोलवम मेलामा आएका भक्तजनलाई देवघाटधाम जेसीजद्वारा निःशुल्क पानी र मही वितरण

देवघाट, साउन ७ देवघाटधाममा सुरु भएको बोलवम मेलामा आएका भक्तजनलाई देवघाटधाम जेसीजले निशुल्क पानी तथा

नेपाल कम्युनिष्ट पार्टीका संस्थापक महासचिव पुष्पलालको ४६ औँ स्मृति दिवस मनाइँदै

काठमाडौं, साउन ७ नेपाल कम्युनिष्ट पार्टीका संस्थापक महासचिव पुष्पलालको ४६ औँ स्मृति दिवस आज विभिन्न

गुरु पुर्णिमाको अवसरमा महेश सन्यास आश्रमद्वारा गुरुनिर्वाण महोत्सव आयोजना

देवघाट, साउन ६ गुरुपुर्णिमाको अवसरमा देवघाटमा रहेको महेश सन्यास आश्रमले ब्रह्मलीन सन्तशिरोमणि श्री १००८ डा.

स्वास्थ्य क्षेत्रका समस्या समाधान गर्न नीतिगत र प्रणालीगत सुधारको खाँचोः मन्त्री पौडेल

दमौली, साउन ६ स्वास्थ्य तथा जनसख्ंया मन्त्री प्रदिप पौडेलले स्वास्थ्य क्षेत्रको समस्या समाधानकोलागि नीतिगत र