देवघाट, असार १९
देवघाट गाउँपालिकामा यही असार २१ गते शुक्रबार छाला तथा कुष्ठरोग सम्बन्धी निशुल्क स्वास्थ्य शिविर हुने भएको छ ।
देवघाट गाउँपालिकाको आयोजना तथा भरतपुर स्थित चितवन मेडिकल कलेजको प्राविधिक सहयोगमा छाला तथा कुष्ठरोग विशेषज्ञहरुद्वारा निशुल्क स्वास्थ्य परिक्षण शिविर आयोजना गरिएको देवघाट गाउँपालिकाका निमित्त प्रमुख प्रशासकीय अधिकृत गोविन्दप्रसाद पौडेलले जानकारी दिनुभयो ।
उक्त शिविर असार २१ गते शुक्रबार वडा नम्बर ५ स्थित देवघाट धर्मार्थ अस्पतालमा विहान १० देखी ३ बजेसम्म हुने हुँदा उक्त शिविरमा आई लाभ लिन गाउँपालिकाले सबैमा अनुरोध गरेको छ ।
