दमौली, असार २०
व्यास नगरपालिकामा सन्चालित फलफुल गोदाम, खाद्य पसल र बेकरी उद्योगमा बिहिबार अनुगमन गरिएको छ ।
खाद्य प्रविधि तथा गुण नियन्त्रण डिभिजन कार्यालयको नेतृत्वमा जिल्ला प्रशासन कार्यालय र जिल्ला प्रहरी कार्यलयको संयुक्त अनुगमन टोलीले फलफुल गोदाम, खाद्य पसल र बेकरी उद्योगमा अनुगमन गरेको हो ।
अनुगमनको क्रममा फलफूल पकाउन प्रतिबन्धित रसायन प्रयोग गरेको नपाईएको खाद्य प्रविधि तथा गुण नियन्त्रण डिभिजन कार्यालयले जनाएको छ ।
यसैगरी पसल अनुगमनको क्रममा गलेका फलफूल तथा म्याद नाघेका घ्यू, तेल, मसला लगायत खान अयोग्य सामाग्री गरि अन्दाजी २३ हजार बराबरको नष्ट गरिएको कार्यालयले जनाएको छ ।
त्यसैगरी म्याद नाघेका सामाग्री अलग्गै स्थानमा राख्न तथा समयमै नष्ट गर्न सचेत गराइएको कार्यालयले जनाएको छ ।
