दमौली, असार २३
ब्यास नपा–१३ छाब्दि दोभान स्थित सेती मादी नदिको किनारमा एक पुरुषको शव भेटिएको छ । नामथर, ठेगाना नखुलेको, अन्दाजी ५ फिट १ ईन्च उचाई रहेको बाँया हातमा ६ वटा औला भएको, बाटुलो अनुहार भएको, अनुहारको भाग सुन्निएको जस्तो देखीएको, छोटो कपाल भएको अन्दाजी ३०÷ ३५ वर्षको पुरुषको शव पानीमा तैरिरहेको अवस्थामा भेटिएको प्रहरीले जनाएको छ ।
उक्त शव दमौली अस्पतालको शब गृहमा सुरक्षीत साथ राखिएको हुँदा मृतकलाई चिन्नुहुने व्यक्तिहरुले नजिकको प्रहरी कार्यालय अथवा कार्यालयको फोन नम्बर ९८५६०९०१७८ मा जानकारी गराईदिनुहुन प्रहरीले अनुरोध गरेको छ ।
