दमौली, साउन १३
जिल्ला प्रहरी कार्यालय तनहुँले विभिन्न मुद्धाका २ जना फरार प्रतिबादी पक्राउ गरेको छ ।
प्रहरीका अनुसार चोरी सम्बन्धी मुद्धाका दोषी शुक्लागण्डकी नगरपालिका–८ का २२ बर्षिय पुर्ण परियार भन्ने चित्र बहादुर परियारलाई शनिबार पक्राउ गरिएको छ । उनी विरुद्ध तनहुँ जिल्ला अदालतले २०८० चैत १५ गते १ वर्ष ११ महिना २ दिन कैद सजायको फैसला गरेको थियो । उनी पाँच वर्ष यता फरार रहेका थिए ।
त्यसैगरि हातहतियार तथा खरखजना सम्बन्धी मुद्धाका दोषी घिरिङ गाउँपालिका–४ करुवाटारका ६० बर्षिय टेक बहादुर सोती मगरलाई पनि शनिबार नै पक्राउ गरिएको प्रहरीले जनाएको छ ।
उनी विरुद्ध तनहुँ जिल्ला अदालतले २०८० चैत १५ गते २ महिना १० दिन कैद सजायको फैसला गरेको थियो । उनी पाँच महिना यता फरार थिए ।
पक्राउ परेका दुबैलाई आइतबार तनहुँ जिल्ला अदालत पेश गरि सजाय भुक्तानकोलागि जिल्ला कारागार चलान गरिएको प्रहरीले जनाएको छ ।
