दमौली, साउन १३

व्यास नपा–१ भादगाउँमा आईतबार बिहान करेन्ट लागी १ जनाको मृत्यु भएको छ । जिल्ला प्रहरी कार्यालयका अनुसार मृत्यु हुनेमा व्यास नगरपालिका–१ लिचीघारी स्थित हाउजिङमा बस्दै आएका ४० बर्षिय शिव अधिकारी रहेका छन् ।

घरमा पानी तान्ने मोटर जडान गर्ने क्रममा करेन्ट लागेर सख्त घाइते भएका अधिकारीको उपचारको क्रममा दमौली अस्पतालमा ल्याउँदा चिकित्सले मृत घोषणा गरेका थिए । मृतकको शव पोष्टमार्टमका लागि दमौली अस्पतालको शवगृहमा राखिएको छ ।