दमौली, साउन १४
जिल्ला प्रहरी कार्यालय तनहुँका प्रमुख प्रहरी उपरिक्षक बिरेन्द्रबहादुर शाहीले तनहुँ जिल्लाको शान्ति सुरक्षा, लागु औषध तथा जुवातास नियन्त्रण गरि अमनयचन कायम गर्नु प्रहरीको मुख्य प्राथमिकता रहेको बताएका छन् ।
तनहुँको प्रहरी प्रमुखको रुपमा गत साता सरुवा भई आएका एसपी शाहीले सोमबार जिल्ला प्रहरी कार्यालयमा आयोजित पत्रकार भेटघाट कार्यक्रममा कानुनले गर भनेको कुरा गर्ने र नगर भनेको काम नगर्ने प्रहरीको कतव्र्य रहेको बताए ।
आफु कसैको दवाव वा प्रभावमा परी काम नगर्ने भन्दै आफ्नो सरुवामा कुनै नेता वा पार्टीले जिम्मेबारी वा जस लिने खोज्छ भने त्यो उसको व्यक्तिगत कुरा भएको शाहीले बताए । प्रहरी संगठनमा सरुवा सामान्य प्रक्रिया भएको हुँदा संगठनले खटाएको ठाउँमा जानुलाई कुनै नेता वा अमुक दलले जस लिनु आवश्यक नभएको एसपी शाहीले बताए ।
तनहुँ जिल्लामा लागु औषधको बढ्दो प्रयोग भईरहेको हुँदा त्यसलाई नियन्त्रण गर्नु महत्वपुर्ण काम भएको एसपी शाहीले बताए ।
