दमौली, साउन १५
अबैध चिरान काठ सहित एक व्यक्ति पक्राउ परेका छन् । पक्राउ पर्नेमा घिरिङ गाउँपालिका वडा नं. ५ बस्ने २५ बर्षिय अबि बहादुर राना रहेका छन् ।
मंगलबार विहान ११ बजेको समयमा व्यास नगरपालिका–१ भादगाउँ मिलनटोल स्थित छाब्दी सडक खण्डमा मनकामना चोक तर्फ आउदै गरेको ग १ त ४२४१ नम्बरको ट्याक्टर रोकी चेकजाँच गर्दा उक्त ट्याक्टरमा लोड गरि ल्याउँदै गरेको ३१.६० क्युफिट (१२० थान) चिलाउने जातको चिरान काठ फेला परेको हुँदा उक्त काठ सहित ट्याक्टर चालक रानालाई नियन्त्रणमा लिई आवश्यक कारवाहीको लागी डिभिजन बन कार्यालय तनहुँमा पठाइएको जिल्ला प्रहरी कार्यालयले जनाएको छ ।
