दमौली, साउन २१
१५ वर्ष देखी परिवारसँग सम्पर्क विहिन भएकी महोत्तरी जिल्ला मण्ड शिसुवा नपा–९ बस्ने ४४ वर्षिया दौलत देबी शाहको इलाका प्रहरी कार्यालय बन्दिपुरले पुर्नमिलन गराएको छ ।
२०६५ सालमा पति लालबाबु शाहको मृत्य भएपछि दौलतदेवी घरबाट बेपत्ता भएकी थिइन् । यसैक्रममा उनी गत साउन १७ गते बन्दिपुर गाउँपालिका–३ सुखौरामा भेटिएकी थिइन् । सुखौरामा वेवारिसे अवस्थामा फेला पारी बन्दीपुर अस्पतालमा उपचार गराई उनीसँग सोधपुछ गर्दा महोत्तरी घर बताएपछि जिल्ला प्रहरी कार्यालय महोत्तरी र प्रहरी चौकी बथनाह महोत्तरीसँग समन्वय गरि उनले बताए बमोजिमको घर ठेगानामा खोजी कार्य गर्दा उनको पहिचान भएको इप्रका बन्दिपुरले जनाएको छ ।
उनको २ छोरी र १ छोरा रहेको छोरा रोशन शाह भारतको मुम्बईमा रोजगारको सिलसिलामा बैकमा काम गर्ने भन्ने पुष्टि भएपछि छोरालाई सम्पर्क गरि सोमबार छोराको जिम्मा लगाईएको इलाका प्रहरी कार्यालय बन्दिपुरले जनाएको छ ।
