दमौली, साउन २१
जुवातास खेल्दै गरेको अवस्थामा आइतबार प्रहरीले ब्यास नपा–४ भोर्लेटार चोकबाट ५ जनालाई पक्राउ गरेको छ । पक्राउ पर्नेमा ४२ बर्षिय प्रधुन्न पण्डित क्षेत्री, ४६ बर्षिय मान बहादुर थापा मगर, ६० बर्षिय अकल बहादुर खत्री, ४५ बर्षिय अशोक कुमार आले र ३४ बर्षिय बिरेन्द्र घिमिरे रहेका छन् ।
भोर्लेटार चोक स्थित तनहुँसुर मिनि मार्ट भित्र रहेको सिता पाहारीले सन्चालन गर्दै आएको कालिका होटलमा अबैध रुपमा जुवा (तास) खेलिरहेको अवस्थामा उनीहरुलाई पक्राउ गरिएको जिल्ला प्रहरी कार्यालयले जनाएको छ । उनीहरुको साथबाट नगद आठ हजार पाँच रुपैया पनि बरामत गरिएको प्रहरीले जनाएको छ ।
पक्राउ परेका उनीहरुलाई जुवा सम्बन्धी कसुरमा जिल्ला प्रशासन कार्यालय तनहुँबाट म्याद थप गरी थप अनुसन्धान भइरहेको प्रहरीले जनाएको छ ।
