दमौली, साउन २१
ब्यास–२ निवासी युवा अभियन्ता महम्मद गफ्फार (सुदिप)ले जिल्लाका विभिन्न सार्वजानिक स्थानमा खानेपानीको घैंटो राख्ने भएका छन् ।
सर्वसाधरण नागरिकको भिडभाड हुने विभिन्न सार्वजानिक स्थानमा नागरिकलाई चिसो पानी खुवाउन घैंटो राख्ने सुरु गरिएको गफ्फारले बताए । उक्त माटाको घैंटोमा हरेक दिन पिउने पानी राखिने उनले बताए ।
उक्त घैंटोमा महर्षी वेदव्यासको चित्र कोरिएको छ । आवुँखैरेनीका चित्रकार पवन नेपालीले घैंटोमा महर्षी व्यासको चित्र कोरेका हुन् । व्यास जन्मभुमि दमौलीको प्रचार प्रसारको उद्देश्य सहित सार्वजानिक स्थानमा राखिने घैंटोमा व्यासको चित्र कोरिएको गफ्फारले बताए ।
उनले आबुखैरेनी गाउपालिका बाट घैटो राख्ने अभियान सुरु गरेका छन् । आबुँखैरेनीको ऐना पहरामा खानेपानी सहितको उक्त घैंटो राखिने छ । ऐना पहरामा राखिने उक्त घैंटो सोमबार गफ्फारले आबुँखैरेनी गाउँपालिकाका अध्यक्ष शुक्र चुमानलाई हस्तान्तरण गरेका छन् ।
तनहुँका विभिन्न सार्वजानिक ठाउँमा ५० वटा भन्दा धेरै घैटो राखिने गफ्फारले बताए । युवा अभियन्ता गफ्फार खोला नदीका फोहोर मैला संकलन र राष्ट्रिय परिचय पत्र बनाउने आउने बृद्धबृद्धालाई निशुल्क खान खुवाएर जिल्लाबासीमा चर्चामा आएका छन् ।
