दमौली, असोज २०
भानु नपा–८ महन्ते हटिया स्थित भुपु विद्यार्थी समाजको अक्षयकोषमा विद्यालयका पुर्व विद्यार्थी डा.पौडेलले ५० हजार रुपैयाँ सहयोग गरेका छन् । भानु नपा–८ निवासी पौडेलले भुपु विद्यार्थी समाजको अक्षयकोषमा उक्त रकम सहयोग गरेको भुपु विद्यार्थी समाजका अध्यक्ष रिदय भट्टले जानकारी दिए ।
डा.पौडेलले आफ्नो गाउँ र बिद्यालयको लागि बिगत देखि सहयोग गर्दै आएको र राम्रो कामको लागि आगामी दिनमा पनि सहयोग गर्ने प्रतिबद्धता जनाएको अध्यक्ष भट्टले बताए । सामाजिक कार्यमा सकृय पौडेल हाल अध्ययन अध्यापनको शिलशिलामा इटलिमा कार्यरत छन् । पौडेलको उच्च सहयोगकोलागि मनोहर माध्यमिक बिद्यालय भुपु बिद्यार्थी समाजले धन्यवाद ज्ञापन गरेको अध्यक्ष भट्टले बताए । यस अघि पनि डा.पौडेलले विद्यालयको खातामा २५ हजार रुपैयाँ सहयोग गरेका थिए ।
भुपु विद्यार्थी समाज मनोहर माविले विद्यालयको प्राङ्गणमा २ लाख ५५ हजारको लागतमा विद्यालय मन्च निर्माण गरेको छ । उक्त मन्चको आगामी असोज २४ गते फुलपातीको दिन भानु नगरपालिकाका मेयर आनन्दराज त्रिपाठीले उद्घाटन गर्ने कार्यक्रम रहेको अध्यक्ष भट्टले जानकारी दिए ।
यसैगरि समाजले विद्यालयमा गरिब तथा जेहेन्दार विद्यार्थी छात्रबृत्ति कोषको स्थापना पनि गर्ने अध्यक्ष भट्टले बताए । भुपु विद्यार्थी समाजको अक्षयकोषको लागि हालसम्म करिब ५ लाख रुपैयाँ संकलन भईसकेको अध्यक्ष भट्टले जानकारी दिए ।
