दमौली, मंसिर १३
आँबुखैरेनी गाउँपालिकाद्धारा सन्चालित आँबुखैरेनी अस्पतालमा आकस्मिक रक्त सञ्चार केन्द्र स्थापना गरिएको छ ।
आँबुखैरेनी अस्पतालमा उपचारको समयमा रगतको अभाव नहोस् भन्ने उद्देश्यले आकस्मिक रक्त सञ्चार केन्द्र स्थापना गरिएको गाउँपालिकाले जनाएको छ ।
आकस्मिक रक्त सञ्चार केन्द्रको एक कार्यक्रमकाबीच गाउँपालिका अध्यक्ष शुक्र चुमानले उद्घाटन गरे । आकस्मिक रक्त सञ्चार केन्द्रको शुभारम्भ कार्यक्रममा बोल्दै गाउँपालिका अध्यक्ष चुमानले रक्त सञ्चार स्थापना भएसँगै यस क्षेत्रमा रगत आवश्यक पर्ने बिरामीलाई यहीबाट रगत उपलब्ध हुने र यस क्षेत्र वरपर दुर्घटनाका घटना धेरै हुने गरेकाले त्यस्ता बिरामीको उपचारका लागि आवश्यक पर्ने रगत तत्काल प्रदान गर्न सकिने बताए ।
कार्यक्रममा गाउँपालिका उपाध्यक्ष दुर्गा अर्याल, प्रमुख प्रशासकीय अधिकृत विष्णु प्रसाद शर्मा लागयत गाउँपालिकाका जनप्रतिनिधि एवं आबुँखैरेनी अस्पतालका मेडिकल सुपरिटेन्डेन डिबी क्षेत्री लगायतको उपस्थिती रहेको थियो । उक्त अवसरमा रक्तदान कार्यक्रम समेत आयोजना गरिएको थियो ।
