दमौली, मंसिर ३०
भानु नगरपालिका–६ डाडाथोकमा निर्माण भएको कैलाशेश्वर महादेव मन्दिरको उद्घाटन एवं प्राण प्रतिष्ठा कार्यक्रम हालै सम्पन्न भयो । पुर्वमन्त्री तथा प्रतिनिधि सभाका सांसद कृष्णकुमार श्रेष्ठ किसानले उक्त मन्दिरको उद्घाटन गरे ।
सो अवसरमा बोल्दै सांसद श्रेष्ठले तनहुँको विकासमा आफु हर सम्भव लागि रहने बताए । विविध कारणले अहिले आफ्नो निर्वाचन क्षेत्र बारा जिल्ला भएपनि तनहुँका जनताको समस्या समाधान र जनताको सुख दुखमा आफु सँधै साथमै रहेको बताए ।
उक्त कार्यक्रममा भानु नगरपालिकाका मेयर आनन्दराज त्रिपाठी, उपमेयर उमा गोतामे, वडा नम्बर ६ का वडा अध्यक्ष धिरज खनाल लगायतले मन्तव्य राखेका थिए ।
यसैगरि पुर्वमन्त्री श्रेष्ठले बन्दिपुर गाउँपालिका ४ मा निर्माण भएको मगर गुठ भवनको पनि उद्घाटन गरेका थिए । उक्त कार्यक्रममा बन्दिपुर गाउँपालिकाका अध्यक्ष सुरेन्द्रबहादुर थापा, वडा नम्बर ४ का वडा अध्यक्ष दानबहादुर थापा लगायतले पनि मन्तव्य राखेका थिए ।
