दमौली, पुस ९
घिरिङ गाउँपालिका र स्वास्थ्य निर्देशनालय गन्डकी प्रदेश पोखराको आयोजनामा नसर्ने रोग मास स्क्रिनिङ्ग कार्यक्रम मंगलबार सुरु भएको छ ।
वडा नं ३ को घिरिङ सुन्धारा स्वास्थ्य चौकिमा भएको उक्त शिविरमा जि.पि. कोइराला राष्ट्रिय श्वासप्रश्वास उपचार केन्द्र बेलचौताराको प्राविधिक सहयोग रहेको छ । शिविरको घिरिङ गाउँपालिकाका अध्यक्ष होमबहादुर थापाले उद्घाटन गरे ।
उक्त शिविरमा ४० वर्ष माथिको उमेर समुहका सबै नागरिकले स्वास्थ्य परिक्षण गराएर सेवा लिन सक्नेछन । उक्त शिविर लाई शिविरमा विशेषज्ञ डाक्टर र नर्सहरु बाट सुगर, मृगौला, कोल्स्ट्रोल, मुटु लगायत अन्य परिक्षण गर्न तथा परामर्श लिन सकिने गाउँपालिकाका स्वास्थ्य शाखा प्रमुख कृष्ण प्रसाद रिमालले जानकारी दिए ।
साथै उक्त स्वास्थ्य परिक्षणको रिपोर्ट लिनको लागि १० गते पुन उपस्थिति हुनुपर्ने रिमालले जानकारी गराए ।
वडा नम्बर ३ का अध्यक्ष तहल सिंह थापाको अध्यक्षतामा आयोजित उक्त कार्यक्रममा गाउँपालिका अध्यक्ष होमबहादुर थापा, स्वास्थ्य निर्देशनालय गण्डकी प्रदेश महानिर्देशक खिमबहादुर खड्का, गाउँपालिकाकी उपाध्यक्ष राधादेवी अधिकारी, गाउँपालिकाका निवर्तमान अध्यक्ष रनबहादुर राना, कोष तथा लेखा नियन्त्रण कार्यालय तनहुँका प्रमुख अशोक खनाल, स्वास्थ्य कार्यालय तनहुँका प्रमुख शंकरबाबू अधिकारी लगायतले मन्तव्य राखेका थिए ।
सो कार्यक्रममा स्वागत मन्तब्य प्रमुख प्रशासकीय अधिकृत कृष्ण प्रसाद ढकालले कार्यक्रम सन्चालक स्वास्थ्य शाखा प्रमुख कृष्ण प्रसाद रिमालले गरेका थिए । उक्त शिविरमा ३८५ जनाको स्क्रिनिङ गरिएको थियो ।
