भिमाद, पुस १३
नेकपा एमालेका स्थायी समिति सदस्य एवं गन्डकी प्रदेशका इन्चार्ज किरण गुरुङले पार्टीको अनुशासन उल्लंघन गर्ने जो सुकैलाई पनि कारवाही हुने बताएका छन् । नेकपा एमाले भिमाद नपा वडा नम्बर ६ को वडा कमिटिको दोश्रो अधिवेशनको शनिबार उद्घाटन गर्दै नेता गुरुङले पटक पटक पार्टी नीति र अनुशासनको उल्लंघन गरेको हुँदा पुर्व उपाध्यक्ष भिम रावललाई कारवाही भएको बताए ।
गुरुङले भिम रावल मात्र हैन, अनुशासन उल्लंघन गर्ने जो सुकैलाई पनि कारवाही हुने बताए । पार्टीको नीती नियम र अनुशासन उल्लंघन गर्ने कार्यकर्ताहरुलाई कारवाही गर्दा पार्टी इस्पात हुने गुरुङले दावी गरे । गुरुङले २०८४ सालको निर्वाचनमा एमालेले बहुमत ल्याउने दावी गरे । वडा, टोल र घर घरमा एमाले पुग्ने ग्रासरुट कार्यक्रम छिट्टै ल्याउने गुरुङले बताए ।
सामाजिक सन्जालमा पछिल्लो समय नेकपा एमाले प्रति नचाहिँदा प्रचार प्रसार गरिएको भन्दै गुरुङले त्यसको विरुद्ध एमालेका कार्यकर्ताहरुले सामाजिक सन्जालबाट नै प्रतिबाद गर्नुपर्ने बताए । उनले आजको युग सामाजिक सञ्जालको युग भएको भन्दै एमालेका कार्यकताहरु पनि सामाजिक सन्जालमा सक्रिय हुने पर्ने वताए । पार्टीले सामाजिक सञ्जालमा कार्यकर्ताहरुको सक्रियता कस्तो छ भनी मुल्याङकन गर्ने पनि गुरुङले बताए ।
उक्त अधिवेशन कार्यक्रममा नेकपा एमाले केन्द्रिय सल्लाहकार सदस्य एवं भिमाद नगर प्रमुख दधिराज सुवेदी, प्रदेश सल्लाहकार परिषद् सदस्यद्वय धर्म खनाल र शारदा खनाल, नेकपा एमाले जिल्ला उप सचिव खिम कुमाल, नेकपा एमाले भिमाद नगर समिटीका अध्यक्ष इमान थापाले शुभकामना मन्तव्य राखेका थिए । नेकपा एमाले भिमाद नगर कमीटीले पौष १० गते देखी २० गते सम्म वडा अधिवेशन सम्पन्न गर्ने नेकपा एमाले भिमाद नगर कमिटि अध्यक्ष इमान थापाले वताए ।
