देवघाट, पुस १३
देवघाट गाउँपालिका दलित, बोटे, चेपाङ र बराम समुदायका घर परिवारको निशुल्क स्वास्थ्य विमा हुने भएको छ । देवघाट गाउँपालिकाको गाउँपालिकाभित्रका दलित, बोटे, चेपाङ र बराम समुदायका सबै घर परिवारको स्वास्थ्य विमा गर्ने चालु आर्थिक वर्षको नीति अनुसार ति समुदायका घर परिवारको स्वास्थ्य विमा कार्ड बनाएर हस्तान्तरण गरेको छ ।
शुक्रबार वडा नम्बर ५ स्थित बसन्तपुर टोलमा कार्यक्रमको आयोजना गरि गाउँपालिकाका अधयक्ष तिलबहादुर थापाले उक्त टोलका दलित समुदायका व्यक्तिहरुलाई निशुल्क स्वास्थ्य बिमा कार्ड वितरण गरे । गाउँपालिकाको चालु आर्थिक वर्ष २०८१÷२०८२ को स्वीकृत वार्षिक नीति तथा कार्यक्रम मार्फत आवश्यक बजेट विनियोजन गरी पालिकाभित्रका सम्पूर्ण दलित, बोटे, चेपाङ र बराम विपन्न घरपरिवारको निःशुल्क स्वास्थ्य बिमा गरिएको गाउँपालिकाका अध्यक्ष तिलबहादुर थापाले जानकारी दिए ।
अध्यक्ष थापाका अनुसार स्वास्थ्य सेवाको पहुँचबाट टाढा रहेका दलित, बोटे, चेपाङ र बराम घरपरिवारमा सहज रुपमा स्वास्थ्य उपचार सेवा पु¥याउन गाउँपालिकाले निःशुल्क स्वास्थ्य बिमा गरिदिएको बताए । देवघाट गाउँपालिकाभित्र बसोबास गर्ने सिमान्तकृत बोटे र चेपाङ सहित दलित र र ब्रामु समुदायका बासिन्दाहरुलाई स्वास्थ्य बिमाको दायरामा ल्याउने उद्देश्यले उक्त अभियान सञ्चालन गरिएको अध्यक्ष थापाले बताए । यसका साथै अति विपन्न ब्राह्मण क्षेत्रीका नागरिकको पनि गाउँपालिकाले स्वास्थ्य विमा गर्ने अध्यक्ष थापाले बताए ।
यस कार्यकालागि गाउँपालिकाले चालु आर्थिक वर्ष २०८१÷०८२ मा ११ लाख रुपैया विनियोजन गरेको छ । आर्थिक अभावमा पछाडि पारिएका समुदायहरु न्यूनतम स्वास्थ्य सेवाबाट वञ्चित हुन नपरोस भनेर यसै आर्थिक वर्षदेखी ति जातिहरुको स्वास्थ्य सेवाको अधिकारलाई सुनिश्चित गरिएको अध्यक्ष थापाले बताए । गाउँपालिकाले सीमान्तकृत र लोपोन्मुख समुदायका सदस्यहरुको स्वास्थ्य, शिक्षा लगायत अन्य विभिन्न क्षेत्रमा पनि सहयोग गर्ने अध्यक्ष थापाले जानकारी दिए ।
