देवघाट, पुस २६
नेकपा एमाले देवघाट गाउँ कमिटिले शोकमा परेका विपन्न परिवारलाई आर्थिक सहयोग गरेको छ ।
देवघाट गाउपालिका वडा नम्बर ५ सेतीभतेरी बस्दै आएका वीर वहादुर विकको मृत्यु भएपछि उनको शोकमा परेका परिवारका सदस्यलाई एमाले देवघाट गाउँ कमिटिको तर्फबाट आर्थिक सहयोग गरिएको हो ।
विरबहादुरको गत पुस २० गते मृत्यु भएको थियो भने उनकी पत्निको एक साता अघि पुस १४ गते मृत्यु भएको थियो । उनीहरुका एक मात्र छोराको ११ वर्ष अघि नै मृत्यु भएको थियो । उनीहरुका तिन वटी छोरीहरुको भने विवहा भईसकेको छ ।
मृगौला फेल भएका बिरबहादुरको उपचारमा भएको सम्पत्ती सबै सकिएको र उनीहरुको घरको आर्थिक अवस्था निकै कमजोर रहेको तथा उपचारमा लागेको रकम छोरीहरुले नै उपलब्ध गराएको हुँदा शोकमा परेको उक्त परिवारको मृत्यु संस्कार सम्पन्न गर्न आर्थिक सहयोग गरिएको नेकपा एमाले जिल्ला कमिटिका सदस्य केशवचन्द्र न्यौपानेले बताए ।
छोरीहरुको पनि आर्थिक अवस्था कमजोर रहेको तथा विरबहादुर र उनकी पत्निको एक साताको फरकमा मृत्यु भएको न्यौपानेले बताए । ‘जसको परिवारमा दुःख छ, जसको कोही छैन त्यसको नेकपा ऐमाले छ भन्ने सबैमा महशुस गराउन नेकपा ऐमाले विगत देखिनै दुख परेकालाइ सहयोग गर्दै आएको छ ।’ न्यौपाने भने ‘मृत्यु भएको विरवहादुर विक र उहाको श्रीमतीको मृत्यु संस्कार फुकाउन केही भएपनि राहत हुन्छ भनी ८ हजार ८ सय ५ रुपैयाँ उपलब्ध गराएका छौं ।’
उक्त कार्यक्रममा नेकपा एमाले जिल्ला कमिटी सदस्यहरु केशवचन्द्र न्यौपाने, सुकुलाल गुरुङ, कमला देवकोटा, अनेमसंघ जिल्ला सदस्य सावित्री न्यौपाने, एमाले देवघाट गाउँकमिटी सदस्य एवम् मधुवन सामुदायिक वन उपभोक्ता समितिका अध्यक्ष डिल्लीराम गिरी, राष्ट्रिय युवा संघ देवघाटका विकास ढकाल, राजु जिसि लगायतको उपस्थिती रहेको थियो ।
