अन्जान परियार । घिरिङ, माघ १३
घिरिङ गाउँपालिकामा आयोजित छातिरोग सम्बन्धी खोजपड्ताल शिविरमा २ सय ७५ जनाले स्वास्थ्य परिक्षण गराएका छन् । प्रादेशिक क्षयरोग नियन्त्रण केन्द्र गण्डकी प्रदेश पोखरा र प्रदेश जनस्वास्थ्य कार्यालय तनहुँको संयुक्त आयोजनामा घिरिङ गाउँपालिका–४ गडौलिटार स्वास्थ्य केन्द्रमा एक दिने निशुल्क स्वास्थ्य शिविर शनिबार आयोजना भएको थियो ।
उक्त कार्यक्रममा एक्स–रे द्वारा छातीरोग सम्बन्धी खोजपड्ताल शिविरमा रक्तचापको (प्रेसर) जाँच र रगतमा ग्लुकोजको मात्रा (सुगर) को जाँच गरिएको गरिएको घिरिङ गाउँपालिकाका स्वास्थ्य शाखा प्रमुख कृष्ण प्रसाद रिमालले जानकारी दिए ।
वडा नम्बर ४ का वडा अध्यक्ष भिम बहादुर कुमालको अध्यक्षतामा भएको सो शिविर कार्यक्रमलाई घिरिङ गाउँपालिकाका अध्यक्ष होम बहादुर थापाले उद्वघाटन गरेका थिए । सो अवसरमा बोल्दै अध्यक्ष थापाले गाउँघरका मान्छेले बिरामीको लक्षणलाई बेवास्ता गर्ने तथा हस्पिटल सम्म पुगेर जाँच गर्न आर्थिक अभाव हुने समस्याको कारण गाउँपालिकाले बेला– बेलामा निशुल्क स्वास्थ्य शिविर संचालन गरेको बताए । यस्तै कार्यक्रममा गाउँपालिका उपाध्यक्ष राधादेवि अधिकारीको पनि उपस्तिथि रहेको थियो ।
सो कार्यक्रम स्वास्थ्य शाखा प्रमुख कृष्ण प्रसाद रिमालले सन्चालन गरेका थिए भने घिरिङ सुन्धारा स्वास्थ्य शाखा प्रमुख प्रीतम थापाले स्वागत मन्तब्य राखेका थिए ।
