तनहुँ । फागुन ८
नेपाल राष्ट्रिय शिक्षक संगठन जिल्ला कार्य समिति तनहुँको अध्यक्षमा बाबुराम रानाभाट निर्वाचित भएका छन् । बुधबार दमौलीमा सम्पन्न संगठनको १४ औं जिल्ला अधिवेशनले रानाभाटको अध्यक्षतामा नयाँ कार्य समिति चयन गरेको छ ।
कार्य समितिको उपाध्यक्षमा जनक सिग्देल, महिला उपाध्यक्षमा कल्पना घिमिरे, सचिवमा रिदय भट्ट, कोषाध्यक्षमा सुर्य गौतम र सहसचिवमा निर्मला सिग्देल सर्वसम्मत रुपमा चयन भएका छन् ।
त्यस्तै सदस्यहरुमा पालिका भुगोलहरु मध्येबाट व्यासबाट रेमलाल विक, भानुबाट मोहन केसी, ऋषिङबाट लोकराज पराजुली, घिरिङबाट तिलक शर्मा र लक्ष्मणदत्त भट्ट, भिमादबाट पुष्पराज भन्डारी र प्रकाश तिम्सिना, शुक्लागन्डकीबाट होमबहादुर खड्का र दिपेन्द्र पौडेल, म्याग्देबाट दिपेन्द्र रानाभाट, बन्दीपुरबाट मााधव पन्डित, आबुखैरेनीबाट नवराज अधिकारी र देवघाटबाट हेमराज श्रेष्ठ चयन भएका छन् ।
यस्तै खुल्ला सदस्यहरुमा माधवप्रसाद खनाल र कमल रानाभाट, महिला सदस्यमा मधुमाया केसी, पुर्णमाया रानाभाट, सावित्री श्रेष्ठ र ममता रानाभाट, समावेशी सदस्यमा सुन्दर नेपााली र राजेन्द्र गुरुङ चयन भएका छन् । यसैगरी केन्द्रीय प्रतिनिधिहरुमा रघुनाथ पन्डित, बोधराज ढकाल, मिनराज घिमिरे र महाकाली रानाभाट चयन भएका छन् ।
सो अधिवशेनको नेपाल राष्ट्रिय शिक्षक संगठनका यमबहादुर कुँवरले उद्घाटन गरेका थिए । संगठनका अध्यक्ष रघुनाथ पण्डितको अध्यक्षतामा सम्पन्न उक्त कार्यक्रममा नेकपा एमालेका केन्द्रीय सदस्य तथा तनहुँ इन्चार्ज केदार सिग्देल, एमाले जिल्ला अध्यक्ष हरिराज कडेल लगायतका नेताहरुले सम्बोधन गरेका थिए ।
