तनहुँ । चैत ५
अनेरास्ववियु र अखिल क्रान्तिकारी सहितका चार विद्यार्थी सगठनले बहिष्कार गरेको दमौलीको आदिकवि भानुभक्त क्याम्पसको स्ववियु निर्वाचनमा नेविसंघका उम्मेदबारहरु बिजयी भएका छन् ।
एक्लै चुनाव लडेको नेविसंघको तर्फबाट सभापतीमा अध्यक्ष अनुप आले (५०५), सचिवमा सागर पाण्डे (४७१) र कोषाध्यक्षमा रोशन ओझा (४७९) बिजयी भए । सदस्यहरुमा पनि नेविसंघकै उम्मेदबारहरु बिजयी भएको घोषणा गरिएको छ ।
चार विद्यार्थी संगठनले बहिष्कार गरेको उक्त निर्वाचनमा निर्वाचनमा जम्मा ३५.१२ प्रतिशत मत खसेको थियो । कुल १५७७ मतदाता रहेको क्याम्पसमा स्ववियु निर्वाचनमा ५५४ जनाले मात्र सहभागिता जनाएका थिए ।
