काठमाडौं । चैत ६
राष्ट्रिय सभाकी सांसद तथा सत्तापक्षकी मुख्य सचेतक भगवती न्यौपानेले तनहुँका पर्यटकीय स्थलहरुको संरक्षण र सम्बद्र्धन गर्न सरकारलाई आग्रह गरेकी छिन् ।
राष्ट्रिय सभाको बुधबारको बैठकको शुन्य समयमा बोल्दै सांसद न्यौपानेले तनहुँको पर्यटकिय क्षेत्र जस्तै भानु जन्मस्थल चुदिँरम्घा, थानिमाई, मिर्लुङकोट, तनहुँसुर, बन्दिपुर, ब्यास, छाब्दिबाराही छिम्केस्वरी, आँधिमुल जस्ता ठाउँमा आवश्यक पुर्बधार निर्माणका लागि सरकारको ध्यान जानुपर्ने बताइन् ।
सांसद न्यौपानेले देवघाटमा बन्दै गरेको ३६५ कोठाको मातामिता सेवा आश्रम निर्माणलाई सरकारले सघाउने पर्ने पनि बताइन् ।
यस्तै सांसद न्यौपानेले बुधबार नै राष्ट्रिय सभाको विशेष समयमा सम्बोधन गर्दै अहिले व्यवस्था विरोधी र अहिलेको परिवर्तनलाई उल्ट्याउने षड्यन्त्रहरु भईरहेको भन्दै त्यस्ता षड्यन्त्रलाई परास्त गर्नुपर्ने बताइन् ।
