तनहुँ । चैत १७
राष्ट्रिय प्रजातन्त्र पार्टी तनहुँले आइतबार साँझ दमौलीमा मसाल जुलुस निकालेको छ । पार्टीका वरिष्ठ उपाध्यक्ष रवीन्द्र मिश्र र महामन्त्री डा.धवलशम्शेर राणाविरुद्ध राज्य द्रोहको मुद्दा चलाउन लागिएको विरोधमा राप्रपाले देशभर मसाल जुलुस निकालेको हो ।
राप्रपा केन्द्रीय समितिको वैठकले मिश्र र राणालाई रिहाइ गर्न २४ घन्टाको अल्टिमेटम दिएको थियो । तर, रिहाइ गर्नुका साटो सरकारले मुद्दा हाल्ने तयारी गरेकोमा पार्टीले आपत्ति जनाएको छ । राप्रपाले आइतबार साँझ दमौलीमा मसाल जुलुस निकालेको हो ।
उक्त प्रर्दशनको क्रममा प्रहरीले राप्रपा तनहुँका अध्यक्ष बिनोद घर्ती सहित आधा दर्जन कार्यकर्तालाई पक्राउ गरेको छ ।
