तनहुँ । चैत २४
बुद्धसिंह मार्गमा पर्ने आबुखैरेनी गाउँपालिका वडा नम्बर ५ र चितवनको भरतपुर मनपा–२९ घुमाउने जोड्ने त्रिशुली नदीको झोलुङ्गे पुल मर्मत सम्भारको लागि समिति गठन गरिएको छ । आइतबार भएको उपभोक्ताहरुको भेलाले स्थानीय होमबहादुर रानाको अध्यक्षतामा ११ सदस्य निर्माण उपभोक्ता समिति गठन गरेको छ ।
नेकपा एमालेका केन्द्रीय सल्लाहाकार एक बहादुर रानाको विशेष उपस्थिती र आबुखैरेनी गाउँपालिका नम्बर ५ र ६ का वडा अध्यक्ष एवं बन्दीपुर गाउँपालिका वडा नम्बर ६ का वडा अध्यक्षको उपस्थितीमा भएको उपभोक्ताहरुको भेलाले उक्त समिति गठन गरेको हो । गत असोजमा त्रिशुली नदीमा आएको बाढीले उक्त पुलमा क्षती पु¥याएको थियो । जीर्ण रहेको उक्त झोलुङ्गे पुलको मर्मत सम्भारको लागि गण्डकी प्रदेशको पूर्वाधार विकास तथा यातायात मन्त्रालयबाट विनियोजित रकम अनुसार काम गर्न उक्त समिति गठन गरिएको हो ।
उक्त भेलाले बुद्धसिंह मार्ग र नारायणघाट मुग्लिङ सडक जोड्ने घुमाउने जोड्ने त्रिशुली नदीमा नयाँ मोटरेबल पुल निर्माणको लागि भौतिक पूर्वाधार तथा यातायात मन्त्रालय काठमाडौँ, सडक विभाग बबरमहल र सडक डिभिजन कार्यालय तनहुँमा अनुरोध गर्न जाने निर्णय गरिएको थियो ।
