तनहुँ । बैशाख १६
गृहमन्त्रालयले तनहुँका प्रमुख जिल्ला अधिकारी श्यामकृष्ण थापाको सरुवा गरेको छ । मन्त्रालयले सोमबार साँझ तनहुँका प्रजिअ थापाको जिल्ला प्रशासन कार्यालय रामेछापको प्रजिअमा सरुवा गरेको हो । जिल्ला प्रशासन कार्यालयमा सुधारका धेरै राम्रो कामको सुरुवात गरेका थापाको सात महिनामै सरुवा भएको हो ।
प्रजिअ गृह मन्त्रालयमा रहेका सहसचिव रामकृष्ण अधिकारीलाई जिल्ला प्रशासन कार्यालय तनहुँ पदस्थापन गरेको छ । यसै गरी, रामेछापबाट राजुप्रसाद पौडेललाई गृह मन्त्रालयमा तानिएको छ । गृहबाट बद्रीनाथ गैह्रेलाई दैलेखको जिम्मेवारी दिइएको छ ।
यसै गरी दैलेखका प्रमुख जिल्ला अधिकारी नवराज जैसीलाई गृहमा तानिएको छ । गृहबाट बन्धुप्रसाद बास्तोलालाई राष्ट्रिय विपद् जोखिम न्यूनीकरण तथा व्यवस्थापन प्राधिकरणमा पठाइएको छ ।
