तनहुँ । बैशाख २५
विश्व रेडक्रस दिवसको अवसरमा युवा रेडक्रस सर्कल आदिकवि भानुभक्त क्याम्पसको आयोजनामा विहिबार क्याम्पस परिसरमा रक्तदान कार्यक्रम आयोजना भयो । उक्त रक्तदान कार्यक्रममा ७८ पिन्ट रगत सङ्कलन भएको छ ।
युवा रेडक्रस सर्कल आदिकविका अध्यक्ष सुमन खड्का अध्यक्षतामा सम्पन्न कार्यक्रममा जिल्ला समन्वय समिति तनहुँका प्रमुख शान्ति रमण वाग्लेले रगतको विकल्प नभएकाले सबैमा रक्तदान गर्न अपिल गरेका थिए । उक्त कार्यक्रममा क्याम्पस सन्चालक समितिका सदस्य मोहन गिरी, नेपाल रेडक्रस सोसाईटी गण्डकी प्रदेशका महासचिव रामदत्त पौडेल, नेरेसो तनहुँका मन्त्री सुर्यचन्द्र हड्खले, क्याम्पस प्रमुख महाप्रसाद हड्खले र स्ववियु अध्यक्ष अनुप आले मगर लगायतले रेडक्रस र रक्तदानको महत्वको बारेमा मन्तव्य राखेका थिए ।
उक्त कार्यक्रम नेरेसो क्षेत्रीय रक्त संचार चितवनको प्राविधिक सहयोगमा भएको थियो । कार्यक्रममा नेरेसो तनहुँ उपसभापति नारयणी अधिकारी रेडक्रस सिद्धान्त वाचन गरेकी थिइन् । स्वागत मन्तव्य युरेस आदिकविका शिक्षक नायक रुपक श्रेष्ठले गरेका थिए भने कार्यक्रमको सञ्चालन युरेस आदिकवि सचिव मौसमी थापाले गरेका थिए ।
