देवघाट । जेठ १३
देवघाट गाउँपालिकाले विभिन्न कार्यक्रम गरि गणतन्त्र दिवस मनाउने भएको छ । देवघाटले जेठ १४, १५ र १६ गते विभिन्न कार्यक्रम गरि गणतन्त्र दिवस मनाउन लागेको हो ।
पालिका स्तरीय गणतन्त्र दिवस मुल समारोह समितिको आयोजनामा जेठ १ गते टोल, विद्यालय परिसर, मठ मन्दिर, स्वास्थ्य चौकी, खानेपानीका मुहान लगायतका महत्वपुर्ण स्थानमा सरसफाई गरिने भएको छ । सोही दिन साँझ आ–आफ्नो घर परिसर, सरकारी तथा गैरसरकारी कार्यालयमा, उद्योग व्यवसाय तथा संघ संस्थामा दिप प्रज्वलन गर्ने कार्यक्रम रहेको छ ।
त्यसैगरि गणतन्त्र दिवसको दिन जेठ १५ गते हाटबजार परिसरमा शुभकामना आदान प्रदान, सांस्कृतिक कार्यक्रम तथा जेष्ठ नागरिक सम्मान कार्यक्रम गरिने भएको छ भने साँझ दिप प्रज्वलन गरिनेछ ।
त्यस्तै जेठ १६ गते साँँझ पनि साँझ आ–आफ्नो घर परिसर, सरकारी तथा गैरसरकारी कार्यालयमा, उद्योग व्यवसाय तथा संघ संस्थामा दिप प्रज्वलन गर्ने कार्यक्रम रहेको गाउँपालिकाका प्रमुख प्रशासकीय अधिकृत जगतबहादुर बस्नेतले जानकारी दिएका छन् ।
