विवेक श्रेष्ठ । तनहुँ, जेठ २१
ऋषिङ गाउँपालिका–८ स्थित ऋषिङ रानीपोखरी स्वास्थ्य चौकीमा बुधबार छातीरोग सम्बन्धी निःशुल्क एक्सरे शिविर सञ्चालन भएको छ । ऋषिङ गाउँपालिकाको सहयोग तथा युएनडिपि (जापान नेपाल स्वास्थ्य तथा क्षयरोग अनुसन्धान संस्था जान्त्रा) को संयुक्त आयोजनामा आगामी जेठ २१ गते उक्त शिविर सञ्चालन भएको हो ।
उक्त शिविरमा आधुनिक प्रविधियुक्त एआई जडित डिजिटल एक्सरे मेशिनको प्रयोग गरी छातीरोग परीक्षण गरिएको थियो । साथै, रक्तचाप (प्रेसर) र रगतमा ग्लुकोजको मात्रा (सुगर) समेत परीक्षण गरिएको गाउँपालिकाको स्वास्थ्य शाखाले जनाएको छ ।
एक्सरे द्वारा छातिरोग सम्बन्धि उक्त खोजपडताल शिबिरमा जम्मा ३९० जनाले जाँच गरेकोमा ९ जना पोजेटिभ देखिएको स्वास्थ्य शाखाले जनाएको छ ।
