तनहुँ । असार १५
तनहुँका उत्कृष्ट पाँच जना कृषकहरुलाई सम्मान गरिएको छ । गन्डकी प्रदेश सरकार कृषि तथा सहकारी मन्त्रालयको उत्कृष्ट कृषक छनौट सम्बन्धी मापदण्ड बमोजिम आर्थिक वर्ष २०८१÷०८२ मा तनहुँ जिल्लाका व्यवसायीक कृषकहरु मध्येबाट छनौट गरि चार जना कृषकलाई जनही १० हजार रुपैयाँको दरले नगद पुरस्कार सहित सम्मान गरिएको हो ।
सम्मानित हुनेहरुमा म्याग्दे गाउँपालिका–२ उमाचोकका उमादेवी कृषि फर्मका सन्चालक निर्मल अधिकारी, भिमाद नपा–५ का गैह्रे पशु तथा कृषि फर्मका सन्चालक कृष्णप्रसाद गैह्रे, म्याग्दे गापा–६ का शिद्ध अर्गानिक कृषि फर्मका सन्चालक डेकबहादुर गुरुङ र भानु नपा–२ का अनुग्रह कृषि तथा पशु फर्मका सन्चालक छेनुर्पु तामाङ रहेका छन् ।
उनीहरुलाई आईतबार राष्ट्रिय धान दिवसको अवसरमा व्यास नपा–९ मा आयोजित कार्यक्रमको अवसरमा गन्डकी प्रदेश सभाका सांसद अशोक कुमार श्रेष्ठ, जिल्ला समन्वय समितिका प्रमुख शान्तिरमण वाग्ले, प्रमुख जिल्ला अधिकारी रामकृष्ण अधिकारी लगायतले सम्मान गरेका थिए ।
