तनहुँ । असार १६
भुमी समस्या समाधान आयोग तनहुँको बैठक सोमबार अध्यक्ष गोबिन्द सिलवालको अध्यक्षतामा जिल्ला कार्यालय तनहुँमा सम्पन्न भएको छ ।
बैठकमा आयोगबाट नापजाँच भएका स्थानीय पालिका वडा सहजीकरण समिती वडा र पालिका र नगरपालिका तथा गाउँपालिका स्तरको निर्णय साथ सिफारिस भएका भुमिहिन दलित र भुमिहिन सुकुम्बासीको थप प्रमाणीकरणका लागि ७ दिने समय दिई मालपोत कार्यालय पठाउने निर्णय गरेको छ ।
साथै मालपोतबाट प्रमाणीकरण भई आएपछि छिटोभन्दा छिटो लालपुर्जा बितरणको तयारी गरिने आयोगका बिज्ञ सदस्य श्रीराम कार्कीले बताए ।
