तनहुँ । असार १८
भानु नगरपालिकाको आयोजना तथा सिद्ध गुफा ड्राइभिङ्ग प्रशिक्षण केन्द्र प्रालि, बिमलनगरको संयोजनमा सञ्चालित एक महिने हलुका सवारी साधन तालिम सम्पन्न भएको छ ।
गत जेठ १८ गतेदेखि सन्चालित तालिम असार १७ गते सम्पन्न भएको थियो । तालिममा नगरपालिकाका १३ वटा वडाबाट १३ जना सहभागीले सवारी साधन चलाउने व्यावसायिक सीप हासिल गरेका छन् ।
तालिमको समापन कार्यक्रममा भानु नगरपालिका प्रमुख आनन्दराज त्रिपाठीले तालिमका सहभागी प्रशिक्षार्थीहरूलाई प्रशिक्षण प्रमाणपत्र वितरण गरेका थिए । ‘सिप सिकौं, आत्मनिर्भर बनौं’ भन्ने नारासहित सञ्चालित यस तालिमले स्थानीय युवालाई आत्मनिर्भर बनाउने दिशामा उल्लेखनीय योगदान पु¥याउने विश्वास लिइएको नगर प्रमुख त्रिपाठीले बताए ।
उक्त कार्यक्रममा नगरपालिकाका प्रमुख प्रशासकीय अधिकृत गौतम भण्डारी, पुर्व उपप्रमुख आशा थापा लगायतले शुभकामना मन्तव्य राखेका थिए ।
